كلمات أغنية رجعوني عنيك

رجعوني عنيك لأيامي اللي راحوا

علموني أندم على الماضي وجراحه

اللي شفته قبل ما تشوفك عنيه

عمر ضايع يحسبوه إزاي عليّ

انت عمري اللي ابتدي بنورك صباحه

قد إيه من عمري قبلك راح وعدّى

يا حبيبي قد إيه من عمري راح

ولا شاف القلب قبلك فرحة واحدة

ولا داق في الدنيا غير طعم الجراح

ابتديت دلوقت بس أحب عمري

ابتديت دلوقت أخاف لا العمر يجري

كل فرحه اشتاقها من قبلك خيالي

التقاها في نور عنيك قلبي وفكري

يا حياة قلبي يا أغلى من حياتي

ليه ما قابلتش هواك يا حبيبي بدري

اللي شفته قبل ما تشوفك عنيه

عمر ضايع يحسبوه إزاي عليّ

انت عمري اللي ابتدي بنورك صباحه

الليالي الحلوة والشوق والمحبة

من زمان والقلب شايلهم عشانك

دوق معايا الحب دوق حبه بحبه

من حنان قلبي اللي طال شوقه لحنانك

هات عنيك تسرح في دنيتهم عنيه

هات ايديك ترتاح للمستهم ايديه

يا حبيبي تعالى وكفاية اللي فاتنا

هو اللي فاتنا يا حبيب الروح شويه

اللي شفته قبل ما تشوفك عنيه

عمر ضايع يحسبوه إزاي عليّ

انت عمري اللي ابتدي بنورك صباحه

يا حبيبي تعالى وكفاية اللي فاتنا

هو اللي فاتنا يا حبيب الروح شوية

اللي شفته قبل ما تشوفك عنيه

عمر ضايع يحسبوه إزاي عليّ

انت عمري اللي ابتدي بنورك صباحه

يا أغلى من أيامي

يا أحلى من أحلامي

خدني لحنانك خدني

من الوجود وابعدني

بعيد بعيد أنا وانت

بعيد بعيد وحدينا

ع الحب تصحى أيامنا

ع الشوق تنام ليالينا

صالحت بيك ايامي

سامحت بيك الزمن

نستني بيك آلامي

ونسيت معاك الشجن

ودعوني عنيك للأيامي اللي راحوا

علموني أندم على الماضي وجراحه

اللي شفته قبل ما تشوفك عنيه

عمر ضايع يحسبوه إزاي عليّ

في عام 1964.

الشاعر أحمد شفيق.

الموسيقار محمد عبدالوهاب.

1:18:22ساعة.

لقد تم غناء هذه الأغنية من قبل الفنانة أم كلثوم والتي لقبت بكوكب الشرق، حيث كانت هذه الأغنية أول تعاون فني بين أم كلثوم والموسيقارالراحل محمد عبدالوهاب والتي كانت بطلبٍ خاص من الرئيس المصري الراحل جمال عبد الناصر حيث أنه قد طلب أن يقوما بالتعاون مع بعضهما بهدف أن يستمتع العالم العربي بالقوة الناعمة المصرية في الغناء، وقد وصفوا هذا اللقاء ب"لقاء السحاب"، هذا وقد حققت أغنية انت عمري نجاحاً باهراً على مستوى مصر والعالم العربي وهي من الأغاني المتجددة التي لا تموت ويطرب على أنغامها الكثيرون حتى يومنا هذا، وتعتبر هذه الأغنية من مقام الكرد وهو من أشهر المقامات الموسيقية وأسهلها في السلم الموسيقي.

لا يوجد فيديو كليب لهذه الأغنية حيث تم غناؤها على المسرح مباشرةً.

كانت أغنية انت عمري أغنية منفردة.