أغنية إزاي للفنان محمد منير

إزّاي ترضيلي حبيبتي..

قد ما أعشق اسمك وإنتي..

عمّاله تزيدي في حيرتي وما انتيش حاسّة بطيبتي إزّاي؟

مش لاقي في عشقك دافِع ..

ولا صدقي في حُبّك شافِع ..

إزاي أنا رافع راسِك وإنتى بتحني في راسي إزّاي؟

أنا أقدَم شارع فيكي..

وآمالك من اللي باليكي ..

أنا طفل تعلّق بيكي في نص السّكة وتوّهتيه ..

أنا لو عاشقِك متخيّر..

كان قلبي زمانُه تغيّر ..

وحياتك لأفضل أغيّر فيكي .. لحدّ ما ترضي عليّه..

إزّاي ترضيلي حبيبتي..

قد ما أعشق اسمك وإنتي..

عمّاله تزيدي في حيرتي وما انتيش حاسّة بطيبتي إزّاي؟

مش لاقي في عشقك دافِع ..

ولا صدقي في حُبّك شافِع ..

إزاي أنا رافع راسِك وإنتى بتحني في راسي إزّاي ؟

إزّاي سايباني في ضَعفي..

طب ليه مش واقفة في صفّي ؟

وأنا عِشت حياتي بحالها .. علشان ملمحش في عينك خوف ..

وفي بحرك ولا في برّك ..

إزّاي أحميلك ظهرك؟؟

وأنا ظهري في آخر الليل .. دايماً بيبات محني ومكشوف ..

أنا اقدم شارع فيكي ..

و آمالك من اللي باليكي ..

أنا طفل تعلّق بيكي في نُص السّكة و توّهتيه..

أنا لو عاشقِك متخيّر..

كان قلبي زمانُه تغيّر ..

وحياتك لأفضل أغيّر فيكي .. لحدّ ما ترضي عليّه..

إزّاي ترضيلي حبيبتي ..

قد ما أعشق اسمك وإنتي ..

عمّاله تزيدي في حيرتي .. وما انتيش حاسّة بطيبتي إزّاي ؟

مش لاقي في عشقك دافِع ..

ولا صدقي في حُبّك شافِع ..

إزاي أنا رافع راسِك .. وإنتى بتحني في راسي إزّاي ؟

في شهر يوليو من عام 2010.

نصر الدّين ناجي.

أحمد فرحات.

3:35 دقيقة.

سجّل الفنّان محمّد مُنير الملقب بالكينج أغنيته "إزّاي" من كلمات المؤلف نصر الدين ناجي، وألحان الملحن أحمد فرحان، هذا وقد انتشرت هذه الأغنية بتاريخ 25 يناير 2011 والتي لاقت استحساناً وقبولاً جماهيرياً بشكل كبير، وذلك بسبب كلماتها الوطنية المؤثرة التي لامست قلوب المصريين، كما طَلب "الكينج" محمّد مُنير من الكاتب نصر الدّين ناجي تغيير في كلمات المقطع الثاني من الأغنية والذي كان "إزّاي فرحانة في ضعفي" لتصبح "إزّاي سايباني في ضعفي"، وقد وافق مؤلف الكلمات على هذا التغيير، وقد أضاف الكاتب نصر الدّين ناجي " لو رفض محمّد منير هذه الأغنية لظلت حبيسة الأدراج، ومن وجهة نظري لا يوجد مُطرب آخر يصلح لتقديمها بما تحتويه من ألفاظ قد يعتبرها البعض غريبة، وهذا يدُل على أن محمّد مُنير هو الخيار الصحيح الذي وصل إلى قلوب المصريين بصوته المميّز.

لم يُسجّل لأغنية "إزاي" أي فيديو كليب.

أُصدِرت أغنية "إزّاي" كأغنية منفردة ولا تتبع لأي ألبوم.